நண்பர்களே இது மருத்துவக் குறிப்பு: தேங்காய் எண்ணெய்யா Print E-mail
Written by Dr. Somash   

நண்பர்களே இது மருத்துவக் குறிப்பு:

தேங்காய் எண்ணெய்யா... அது முழுக்க கொலஸ்ட்ரால்ப்பா! சாப்பிடவே கூடாது’ என்ற வதந்தியை யார் கிளப்பிவிட்டது எனத் தெரியவில்லை. பலரும் நம் பாரம்பரிய தேங்காய் எண்ணெயை உணவில் பயன்படுத்துவதைக் கிட்டத்தட்ட நிறுத்தியேவிட்டனர். வெளிநாட்டு இறக்குமதியான சன்ஃபிளவர் ஆயில், கார்ன் ஆயில், ரைஸ் பிராண்ட் ஆயில், ஆலிவ் ஆயில்தான் சிறந்தது என்று பயன்படுத்திவருகிறோம். இறக்குமதியின் ஆதிக்கத்தால், உடலுக்கு ஆரோக்கியம்தரும் தேங்காய் எண்ணெய் பயன்படுத்துவதையே குறைத்துவிட்டோம். “உண்மையில், தேங்காய் எண்ணெய் உடல்நலத்துக்குக் கெடுதியா?” என்று மருத்துவர்களிடம் கேட்டால், “இல்லை” என்கின்றனர். தேங்காய் எண்ணெயை சமையலில் சேர்த்துக்கொள்வதிலும், வெளிப்புறமாகத் தோலில் பூசுவதாலும் பல பலன்கள் இருக்கின்றன. உடலுக்கு நலம் தருவதோடு, சருமத்தைப் பொலிவாக்கும் ஆற்றல் கொண்டது தேங்காய்.*தேங்காயில் 90 சதவிகிதம் சாச்சுரேட்டட் வகை கொழுப்பு இருக்கிறது. இது உடலுக்குப் பல்வேறு நற்பலன்களைத் தருகிறது.

*தேங்காய் எண்ணெயை முகத்திலும் லேசாகத் தேய்த்துவந்தால், முகப்பருக்கள் வருவது தடுக்கப்படும். முதுமையானவர்களுக்கு இருக்கும் தோல் சுருக்கம் (Wrinkles) தற்போது, பலருக்கு இளம் வயதிலேயே வந்துவிடுகிறது. தோல் சுருக்கத்துக்குச் செயற்கையாக தயாரிக்கப்பட்ட கிரீம்களைப் பயன்படுத்துவதைவிட, தேங்காய் எண்ணெயை முகத்தில் தேய்த்துவந்தாலே சுருக்கங்கள் வருவது தடுக்கப்படும்.

*தேங்காய் எண்ணெயை தினமும் சமையலில் ஏதாவது ஒரு வகையில் சேர்க்க வேண்டும். ஆனால், டீப் ஃபிரை மற்றும் துரித உணவுகளில் தேங்காய் எண்ணெய் பயன்படுத்தினால் எந்தப் பலனும் இருக்காது. நம் வழக்கமான சமையலில், சாம்பார், கூட்டு, கீரை, பொரியல் என ஏதோ ஒரு வகையில் தினமும் தேங்காய் எண்ணெய் பயன்படுத்த வேண்டும்.

- நன்றி:சஞ்சிகைஒன்றில் ஆயுர்வேத டாக்டர் ரெபேக்கா.