வனவாசம் சென்றிருந்த இராம, லட்சுமணர்கள் தங்கள் .......... Print E-mail
Sunday, 11 October 2015 11:40

அறிந்து கொள்வோம் நண்பர்களே:

வனவாசம் சென்றிருந்த இராம, லட்சுமணர்கள் தங்கள் தந்தையின் இறப்பைக் கேட்டு தாங்கள் இருந்த இடத்திலேயே உத்தரக் கிரியைகளை செய்தார்கள்.அச்சந்தர்பத்தில் புண்ணிய நதியை நாடி அவர்கள் நீராடி பின் தந்தையை குறித்து தர்ப்பணம் செய்தார்கள் என்றும் கூறப்படுள்ளது. இறந்தவரைக் குறித்து செய்யும் வழி பாட்டில் புண்ணிய தீர்த்தங்கள் மிகவும் அவசியமானது. தகனம் செய்யும் சாம்பலை புண்ணிய நதியில் இடுவதால் அந்த ஆத்மா ஆனந்தம் அடையும் என்ற நம்பிக்கையும் உண்டு. இதன்படி, பார்த்தால் இறந்த ஆன்மா குறித்து பிண்டம் செய்யும் மரபும் தர்ப்பணம் செய்தல் பற்றியும் இதிகாச காலங்களில் விளக்கப்பட்டிருப்பதை உணரலாம்.
-சைவப் புலவர் பால.வசந்தன் குருக்களின் ''இந்து பண்பாட்டு மரபில் பிதிரர் வழிபாடு'' என்ற நூலில் இருந்து.  தொகுத்தவர் : பஞ்சாட்சரன் சுவாமிநாதசர்மா.

 

 
மகாளயம் என்றால் .......... Print E-mail
Sunday, 11 October 2015 11:42

நண்பர்களே, புரட்டாதி மாதம். சனீஸ்வர வழிபாடு., கேதார கெளரி விரதம், முன்னோர் வழிபாடு (மகாளயம்) என்று இந்துகள் சற்று busy ஆக இருக்கும் மாதம்.

மகாளயம் என்றால் மகான்கள் வாழும் இடம் என்று பொருள். பட்சம் என்றால் அரைமாதம் அதாவது 15 நாள் என்று அர்த்தம். மகாளயபட்சம் வரும் 15 நாட்களுமே மிகவும் சிறப்பு வாய்ந்தவை. இந்த 15 நாட்களும் நாம் பித்ருக்களை ஆராதித்தால் அவர்கள் மிகவும் மகிழ்ச்சி அடைவார்கள்.

பூலோகத்தில் 15 நாட்கள் தங்கி இருக்கும் நாட்களில் கோவில் தீர்த்தங்களில் உள்ள தெய்வீக சக்திகளை பித்ருக்கள் எடுத்துச் செல்வார்கள். அந்த சமயத்தில் நாம் பித்ருக்களுக்கு அன்னமிட்டு வழிபாடு செய்யும்போது, பித்ருக்கள் மிகவும் மனம் குளிர்ந்து அந்த தெய்வ சக்திகளை நமக்கு கொஞ்சம் பரிசாக தந்து விட்டுச் செல்வார்கள்.

மகாளயபட்ச 15 நாட்களும் நாம் கொடுக்கும் தர்ப்பணங்கள், சிரார்த்தங்கள் மூலம் பித்ருக்களுக்கு கூடுதல் பலன்களையும், ஆத்மசக்தியையும் கொடுக்கும். அந்த சக்தியை பெறும் பித்ருக்கள் அவற்றை மகாவிஷ்ணுவின் பாதங்களில் சமர்ப்பிப்பதாக ஐதீகம்.ஆக நாம் செய்யும் பித்ருதர்ப்பணங்கள், சிரார்த்தங்கள் நம் முன்னோருக்கு மட்டுமின்றி, நாம் வணங்கும் மகாவிஷ்ணுவையும் சென்று அடைகிறது. எனவேதான் மகாளய அமாவாசை மற்ற எல்லா அமாவாசை நாட்களையும் விட உயர்ந்ததாக கருதப்படுகிறது. இந்த புரட்டாதி மாதத்தில் பிதிர் வழிபாடு பற்றி அவ்வப்போது அறிவோம்.--MIH  சார்பில் தொகுத்தவர் பஞ்சாட்சரன் சுவாமிநாதசர்மா

 
உடலையும் உள்ளத்தையும் பேண என்ன வழி? Print E-mail
Sunday, 11 October 2015 11:45

moderninternational Hinduculture

நண்பர்களே,பிரம்மஸ்ரீ சேஷாத்திரி நாத சாஸ்திரிகள் என்ன கூறுகிறார் பார்ப்போம்.

உடலையும் உள்ளத்தையும் பேண என்ன வழி?

வேதம் சொல்லும் நல்லுரைகள், மகான்கள் பரிந்துரைக்கும் நல்லுரைகள், 'அறம் செய்ய விரும்பு; ஆறுவது சினம்’ போன்ற பேருரைகள், மனதை நல்ல சிந்தனையில் திருப்பிவிடும். உடலுக்கு இதமானவலுவூட்டும் தாவரங்களை உணவாக ஏற்கச் சொல்லும் ஆயுர்வேதத்தின் பரிந்துரைகள், உடலை வலுவாக்கி இயங்க வைக்கும். ஆசைகளின் உந்துதலில் மனம் நல்லது கெட்டதை அறியாது. புத்தி அதை ஆராய்வதற்கு உகந்த தகவலை எதிர்பார்க்கும். அத்தகைய தகவல்களை அற நூல்கள் அள்ளிக் கொடுக்கும். அதன் அடிப்படையில் ஆராய்ந்து நேர்வழியைப் பரிந்துரைக்கும். அதன் போக்கில் மனம் செயல்பட்டு, புலன்களின் உதவியில் மகிழ்ச்சி யான வாழ்க்கையை உணர்த்தும்.

ஆன்மாவோடு இணைந்த மனம், உடலை வழிநடத்தும். ஆன்மா, மனம், உடல், புலன்கள் ஆகிய அனைத்தையும் தினமும் கண்காணிக்க வேண்டும். மனம் சார்ந்த சிந்தனையும் வேண் டும்; உடல் சார்ந்த உழைப்பும் வேண்டும். ஆன்மிகமும் வேண்டும்; உலகவியலும் வேண்டும். உணவுக் கட்டுப்பாடும் தேவை; சிந்தனையிலும் சுத்தம் தேவை. காலையில் நீராடி உடல் சுத்தமாக வேண்டும். நெற்றியில் திலகமிட்டு கடவுளை மனம் நினைக்க வேண்டும். உடல் ஆரோக்கியத்துக்கு உகந்த உணவை ஏற்க வேண்டும். புலன்கள் தழைத்து ஓங்க உழைக்க வேண்டும். உள்ளத் தெளிவுக்கு அற நூல்கள் உரையை ஏற்கவேண்டும். அதன் வலுவுக்கு கடவுள் பெயரை மனம் அசைபோட வேண்டும்; MIH சார்பில் தொகுத்தவர் பஞ்சாட்சரன் சுவாமிநாதசர்மா

 
எல்லாம் வல்ல கதிரமலை ஸ்ரீ சொர்ணாம்பிகா சமேத ..... Print E-mail
Sunday, 11 October 2015 11:44

எல்லாம் வல்ல கதிரமலை ஸ்ரீ சொர்ணாம்பிகா சமேத ஸ்ரீ பொன்னம்பல வானப்பெருமானின் அனுக்ரகம் எல்லோருக்கும் கிடைக்க வேண்டுகிறோம்.

 
தனக்கு மேல் ஒரு தலைவன்........ Print E-mail
Sunday, 11 October 2015 12:02
Moderninternational Hinduculture

நண்பர்களே, அறிவோம்,தெளிவோம்:

தனக்கு மேல் ஒரு தலைவன் இல்லாதவர் பிள்ளையார். அதனால்தான் அவருக்கு விநாயகர் என்று திருநாமம். சூரியன் சந்திரன் அக்னி ஆகிய மூன்று ஒளிப்பொருளைக் குறிக்கும் முக்கண்கள், ஐந்தொழில்களை உணர்த்தும் ஐந்து கரங்கள்... என பிரணவ தத்துவமாகவே திகழும் அந்த நாயகனைக் கொண்டாடும் திருநாள்தான் விநாயகர் சதுர்த்தித் திருநாள்.

இந்தப் புண்ணிய தினத்தில் விநாயகரை வழிபடுவதால், நமது வாழ்வு மட்டுமல்ல, நம் சந்ததியினர் வாழ்வும் செழிக்கும்.

ஆவணி மாதம், ஹஸ்த நட்சத்திரமும் சுக்லபட்ச சதுர்த்தியும் கூடிய நன்னாளில் வருவது விநாயகர் சதுர்த்தி. இந்தத் திருநாளில்தான் பிள்ளையார் அவதரித்தார்.ஒருமுறை, ஈசனும் அம்பாளும் திருக்கயிலாயத்தில் இருக்கும் சித்திர மண்டபத்துக்கு எழுந்தரு ளினார்கள். அங்கேயுள்ள மந்திர மூலங்களின் மீது தங்களின் திருப்பார்வையை செலுத்தினார்கள். அப்போது ஓர் ஒளி வட்டமும் அதிலிருந்து தண்டமும் தோன்றின; தண்டம் ஒலியாக தழைத்தது. இந்த ஒளிஒலி இரண்டிலும் இருந்து உதித்த திருவடிவே, வரத கணபதி. ஒளி வட்டம் பிந்து; தண்டம் (ஒலி) நாதம். பிந்து மற்றும் நாதத்தில் இருந்து அகர, உகர, மகரம் பிறக்கும். இந்த மூன்றும் சேர்ந்து 'ஓம்’ என்று ஒலிக்கும். ஆக, 'ஓம்’காரம் எனும் பிரணவத்தின் உருவமே பிள்ளையார்.

அவரை, அவர் அவதரித்த திருநாளில் வழிபடுவதால், அனைத்து கடவுளரையும் வழிபட்ட பலன் கிடைக்கும்.

-நன்றி. ஆன்மிக சஞ்சிகை.: தொகுத்தவர்: பஞ்சாட்சரன் சுவாமிநாதசர்மா மொடேர்ன் சர்வதேச இந்து ஆகம கலை கலாச்சார நிறுவனத்தின் சார்பில்.

 
<< Start < Prev 21 22 23 24 25 26 27 28 29 30 Next > End >>

Page 22 of 44